ეს პატარა მოთხრობები, ჩანაწერები, ავტორის აღსარებაა და ნამდვილი, გულწრფელი აღსარების მსგავსად, მათ შვება მოუტანეს მას. "ახალი არაფერი გამიკეთებია - იმ ამბებსა და დემონებზე, რომელთა შესახებაც ვეცადე დამეწერა, უკვე ძალიან ბევრი დაწერილა და ძალიან ბევრიც კიდევ დაიწერება, რადგან ისინი მუდმივად ჩვენი თანმდევნი არიან: აბსურდი, ფატალიზმი, თვითმკვლელობასთან შეთამაშება, გარდაუვალი სიკვდილისთვის თვალის გასწორების მცდელობა, სინანული, დარდი და იმედი... რომელიც, როგორც ვიცით, უკანასკნელი კვდება."

ავტორი, ირაკლი ლაითაძე, 50 წლის დებიუტანტი ავტორია, მოქმედი ფინანსისტი, ყოფილი დიპლომატი და ჰუმანიტარულ მეცნიერებათა დოქტორია.

ჰყავს მეუღლე და ოთხი შვილი.

გარეკანზე გამოყენებულია თემო ჯაფარიძის ფერწერული ნამუშევარი "პეიზაჟი მანქანით", მუყაო, ტილო, ზეთი; 1981 წელი

რედაქტორი: შორენა ჭინჭარაული

დიზაინერი: მაკა ცომაია