ელენე პეპი ბოჭორიშვილი არის ქართველი, ცხოვრობს კანადაში და წერს რუსულად. „სტენოგრაფიული რომანები“ სეზანის სერიის: „დაიბადა საქართველოში“ მეორე წიგნია. მასში მწერლის სამი რომანია დაბეჭდილი: „ჩემი ბებრუცუნები“; „მამაჩემის თავი“ და „ჯადოსნური მალამო“. პეპის უნიკალური, თანამედროვე, უაღრესად ლაკონიური სტილით მოთხრობილი საქართველოს ამბები რუსულად იწერება და ითარგმნება. როგორც მწერალი ამბობს, იპოვა საქართველოში თავისი ნაწარმოებების გულთამხილველი მთარგმნელი - ელზა ნაბახტეველი. როგორც წიგნის რეცენზენტი ლევან ბერძენიშვილი წერს: „პეპი ბოჭორიშვილის პროზა ეს არის მატარებელი, მატარებელში ხდება ყველაფერი; „ცხოვრების ეტლის სადარებელი“ ეს მატარებელი პატარა სადგურიდან კანადაში მიდის, მისი მგზავრები ჩხუბობენ, რიგდებიან, ოცნებობენ და არავის ადარდებს, რომ ოკეანეზე ლიანდაგს ვერ დააგებ“.